الجمعة، 31 يوليو 2009

أم علي ..!

هاي صورة لأم علي :) ... مش قصدي أم علي طبق الحلو (بعطيكم الوصفة إذا بدكم ) ... أنا قصدي هاي الحشرة اللي بتشوفوا صورتها ..احنا منسميها أم علي .. وحابة اعرف انتو شو بتسموها.
أم علي والليدي بيرد (بعرفش شو اسمها بالعربي ؛) ) هم الكائنين الوحيدين اللي بحبهم من عالم الحيوان واللي مستعدة أمسكهم بدون قرف (بمسك النمل كمان بس ما بحبه ) .. المهم انتو شو بتسموها هاي الحشرة؟


هناك 28 تعليقًا:

Whisper يقول...

مسا الفل

احنا بنحكي عنها ام علي وفي ناس بحكو ابو علي :)
يعني من نفس العيله تقريبا

انا بس قرأت العنوان فكرت ام علي الحلو :)

hamede يقول...

هاي أول مرة بسمع بي أم علي فكري الإسم أم سليمان

همسة يقول...

هو انا بعرفها هالحشرة بس ما كنت اعرف اسمها ام علي .. هيك بلا اسم ما بعرف شو اسمها ..اما انا اللي بعرفو المدام تبعها( ابو علي)
http://www.commanster.eu/commanster/Insects/Beetles/SpBeetles/Adalia.bipunctata.jpg

هاد "أنصح " شوي يعني جاي
مدعبل ومكعبل بنفس الوقت عرفتي عليي كيف !

وفعلا هي الحشرة ممكن امسكها وبس هيي لانو بحسها لا بتخوف ولا بتقرف ..اصلا واحنا صغار كنا نعمل فيها العجايب مرة نحطها بالمي مرة نحط عليها تراب ..ومرة نحطها على بيت نمل !
تعذيب العادة

غير معرف يقول...

hello

ana bsameha em Ali el hamra =) w b7b emska w el3ab m3a kaman :)

Nice

c ya :)

Dreamy Villager يقول...

Whisper..
مسا الياسمين :) طلعتوا بتسموها زينا..شو شكله جاي عبالك حلو ؛)


hamede..
أم سليمان! من وين جبت هالاسم:/ ..معقول انتو بتسموها هيك؟!


همسة..
شفت المدام تبعها ؛) مش هذا هو الليديبيرد؟ بعدين شو اللؤم اللي كاينين تعملوه فيها..يعني كلنا عجبنا واحنا صغار بس ما وصلت لهالدرجة :( تحطوها على بيت نمل..ليش يعني علشان يوكلوها :/


jumana..
هي أم علي فيه منها بألوان ثانية؟ ؛)
الكل بحبها..بعرفش هي حلوة ألوانها وما بتأذي.

Unknown يقول...

أم علي
أو خنفسه

على فكره بالامارات كانو يسموها اسم تاني ونسيت شو هو!!! بتعرفي الذهن مشطوب صاير:)

Haitham Seelawi يقول...

ام علي :)

غير معرف يقول...

صح اسمها ام علي
او
ام العيد

يا الله شو بتذكرني بعيد الاضحى
كتير كانت ايامها تمون الدنيا صيف
ومرة كنت شارية فستان ابيض ومنقط بأحمر
صارو يحكولي ايناسه العيد
D:
منشان هيك مستحيل انساها
الها كتير ماضي وذكريات حلوة
لما امسكها بخليها تمشي على ايدي وبضل اتفرج عليها وانا مبتسمة :)

Dreamy Villager يقول...

مياسي...
أنتِ كنتِ بالإمارات ؟ احنا كمان كنا بأبوظبي :) ..انت وين كنتِ؟


Genki Dama...
تعليقك أقصر تعليق شفته بحياتي :)أهلا وسهلا فيك .


eNAS..
مش معقول فزتي وبعدك بتحكي معانا ؛)
فعلا أحسنّا الاختيار :)
رجعتيني 60 سنة لورا لما حكيتِ أم العيد ؛) فعلا كنت ناسية هالاسم وبعرفش ليش مرتبطة عندي هالخنفساء بعيد الأضحى كمان..كان الها مستعمرة على البيدر وكانوا ولاد عمي يفعصوها بالعيد :/

Unknown يقول...

والله في أماكن متعدده:) آخر مكان قريب من أبوظبي بس اعذريني ما بدي أحكيه:)

anosyat يقول...

لاااااااااااااااااااااااأأأ دريمي مش هاي ام علي ..هديك بتكون بتشبهها بس مدحبره وجاي شكلها متل الفطبل P:

انا هاد اللي حاطه صورتو ما بمسكو لأنه على علمي بيقرص اما ام علي لأ..

بس عجبتني عالم الحيوان :)

قال الجمل حيوان وام علي حيوان
ابييييه الفرق
صح؟؟
P:

غير معرف يقول...

ذكرتيني بقصص سلسلة الليدي بيرد اللبنانية :)
بس هاد مش اللي بتحكي عنه، ابو او ام علي بكون مدحبر :)
و كنا نغنيله طير يا ابو علي طير ولا بحكي لأبوك :)

Dreamy Villager يقول...

مياسي...
محلاني وأنا مش عاذريتك ؛)


anosyat...
الفطبل ؟!بعدك بتستخدم هالمصطلح..صرنا نقول كرة..
كل الناس قالوا انها أم علي..ومش عاجبك :) طيب شو بتسموها اذا ما كانت أم علي؟ هاي المدحبرة ما كنا نسميها اشي..
وسبحان الله ..ولا خطرلي الفرق بينها وبين الجمل غير لما حكيت..فعلا شو هالتصنيف؟!


allouh...
شكلك كاين تحب قصص الليديبيرد :) كنت أموت عليها وانا صغيرة..أسلوبها حلو وصورها روعة..بس الله يسامحهم
راحت :/
انتو كاينين تسموا الليديبيرد المدحبرة "أبو علي" ؟..احنا ما كنا نسميها اشي لأنه قليل لحتى نلاقي وحدة..وحاولت أجرب الأغنية بس مش زابطة بدون لحن
:)
صحيح ..متى بدك تفطرنا ؛)

Haitham Seelawi يقول...

جواب على قد السؤال يعني :)

Naryat يقول...

mmmmm...
Halla2 belnesbeh lal7ashara ne7na bensammi hai 2om sleman, eltanyeh el mdawwarah heye eli bensameeha 2om 3ali, elli heyeh hai:

http://www.bumblebee.org/invertebrates/images/ladybird.jpg

Bs halla2 el su2aaaal el muhemm...
3n 7elu 2om 3ali...
Keef bte3meleha? kol ma adawer 3ala wasfet-ha be6la3li eno lazem ajeeb 3ajeenet el puff pastry!! :-S
o kawno enni mesh men dawa7i 3abdoon, o enno mesh m3gool teta 2om 3ali lamma e5tar3at-ha ayyam el mamaleek kanat tsaweeha be puff pastry, fa esh el badeel el "baladi" taba3 had el lo3'oz? any hints?!!... :-)

Dreamy Villager يقول...

Genki Dama...
:) هيك برأيك لازم تكون الأجوبة..مختصر مفيد ؛) كنت بدي أعمل زيك بس مش عارفة لازم أحكي كثير :)


Naryat...
بتسموها أم سليمان ؟! يعني زي ما حكى hamede...بعتذر منه لأني فكرته ملخبط بالاسم :/ ..وطلعوا كمان أنس ومحمد بدهم اعتذار ..لأنهم حكولي زيك أنه الليديبيرد هي اللي اسمها أم علي...عجبك هيك طلعتيني غلطانة قدام الجماعة ؛)
بس الاحراج اللي عن جد انه الوصفة اللي بعرفها لأم علي فيها البف باستري :) هاي الوصفة أخذتها من صاحبتي هي مصرية ..بسألك اياها عن بدائل.
أنا بتوقع بدك عجينة ما تتشرب حليب كثير علشان هيك يمكن بستخدموا عجين رقيق..بتذكر مرة كلوغز كورن فليكس كانوا يحطوا على العلبة وصفة أم علي باستخدام رقائقهم..واللي بعرفوا انه زمان وقت جدي كان عندهم خبز ذرة..فيمكن على وقت "تيتك أم علي" أيام المماليك كان عندهم اشي زيه ؛)

Naryat يقول...

looool
y3ni el 3ajeeneh heek 2esemha.. ma 2elha 2esem baladi... mmmm... wa7deh sa7ebt 2o5ti marra 2alatli enhom bye3meluha be2ershalleh, bs el fekra ma fatat mo55i elmazboot!!
6b iza 2a5adna be3en el 2e3tebar eno el supermarket elli 3enna sa2alto men yomeen 3n cake "ETI" ma 3erfo, balek iza bas2alo 3n el puff pastry r7 ye3raf? :-p
5alas 5alas... ana 3refet shu bedi asawi... ma 2eli 2ella Yaser el 3abbadi loooool
Thx ya gamar ;-)

Dreamy Villager يقول...

Naryat...
آسفة الرد متأخر بس العتب على النظر :/
شغلة القرشلة كمان أنا مش داخلة مخي...بعدين انت ليش بتسألي البياع..فوتي ودوري..بتلاقي كل اشي عنده بس هو بسميه اشي ثاني :)
وبلا صغرة .. مين ياسر العبادي عفوا؟

Naryat يقول...

loooooool
had zayma te7ki super market 3amel 7alo mall... bs jad 5orafi, 3endo men kol eshi o men kol no3 :-)

Dreamy Villager يقول...

:)
كنت بدي أكتب تعليق وغيرته...كنت بدي أحكي اشي عن تعليقك وكأنه مش طالع من نفسك ..نفسك تقولي اشي ثاني عن الزلمة :)

Naryat يقول...

loooooooooooooooooooooooooool
Wala eshi!! Shuf kef bayyan el mawdoo3 :-p
3ad bel3aks, Yassir El 3abbadi, 2aw zayma besammuh kteer nas Yassir Mall... 3anjad feyo kol eshi... o feyo options lakol eshi, bedik masalan 2esh6a, bekun 3endik men 2ar5as nooooooo3 la 23'la noo3 :-) feyo ashya2 sono3 ma7alli, o feyo ashya2 fa5meh sono3 ajnabi... 3adi, zayma ba2ollek :-)

Dreamy Villager يقول...

بعتذر منك ؛)
هينا وضحنا الموضوع وكل اشي صار تمام :)

غير معرف يقول...

a7na 3na bal-Bahrain bsmoha d3soo8a bs ana bsmeeha ladybird =)

Dreamy Villager يقول...

jehan...
كأنهم باللغة العربية كمان بسموها دعسوقة مش هيك !؟
وفعلا الواحد يسميها ladybird أريح بدل الاختلاف اللي بلخبط ؛)
أهلا وسهلا فيكي وشرفتي :D

Ahmad M. Al-Mahrouq يقول...

هاي مو (ام/ابو عل)ي ... هاي (ام سليمان) !!

حشرة (ام/ابو علي) بكون شكلها مدوّر مش مطاول
صدقيني
شكلك مخربطة بالصورة

المهم ... انا ما بحب الحشرات كلها , ما بخاف!!
لكن بقرف جدا منهم !!!

Ahmad M. Al-Mahrouq يقول...

وعلى فكرة (ام/ابو علي) ما بتقرص

بس هاي يللي بالصورة بتقرص!!!

لهيك ... هاي مش (ام/ابو علي)

Dreamy Villager يقول...

أحمد ...
طلع فيه ناس بسموها أم علي أو أبو علي وفيه ناس بسموها أم سليمان...بس بالنسبة لأنها بتقرص ولا لأ أنا صراحة ما بعرف.. لأنها ما قرصتني ؛)
كل عام وأنت بخير

lilyahmed8 يقول...

شركة مكافحة النمل الابيض بمكة
نحن شركة مكافحة النمل الابيض بمكة التى تقدم لك خدماتها بأعلى مستوى من الدقة و الاتقان كما اننا شركة تقدم لك رش مبيدات بمكة تعمل على مكافحة النمل الابيض بمكة , مكافحة صراصير بمكة , مكافحة البق بمكة و جميع هذه الخدمات يقوم بها افضل فريق من العمال المدربين على التخلص من جميع هذه الحشرات
رش مبيدات بمكة
https://elbshayr.com/3/Pest-control