الأحد، 2 آب، 2009

احزروا مين طعماني حلوان فوزه ؟

يالله احزروا :) ...
مين فازبمسابقة وعمل كوكيز وأكلت حصتي منه .. وكنت بدي آكل عنكو كمان بس ما قدرت.
المهم إني أمنت حق صوتي D:


الجواب : إيناس ؛)

رحت أدور عليها بالجامعة عشان آكل الحلوان بناء على اتفاق مسبق ... بس يعني لابعرفها ولا بتعرفني .. كنت أطلع على الناس أدور على وحدة بعرفهاش بس احتمال تكون إيناس .. وأحس انه الكل بيطلع علي ... فشكيت بالكل ... ظليت أدور بالممرات بعدين قررت وقفت عند قاعة محاضرتهم " زي اللي مضيع أمه" والكل بعده بيتفرج علي ... بعد شوي اجت وحدة من الأفق وطلعت إيناس :)
تعرفنا عالسريع أو بالأحرى اتأكدنا من بعض ... والغريب اني كنت حاسة حالي بعرفها فكنت بحكي عادي ... اجو صاحباتها وصاروا يباركولها ... وطعمتنا "كوكيز" عامليته بنص الليل زاكي كثير ... بس الله يسامحه دكتوري الأسنان امبارح عجب علي ... فاضطريت أمص تبعتي مص ... المهم
يسلموا ايديها وألف ألف مبروك :)


(ملاحظة : أنا كان لازم أكتب هالبوست بس اروح ... بس رحنا مشوار طوييييل وهسه بس فضيت)


هناك 19 تعليقًا:

Whisper يقول...

خيااااااااانننننننننننننننننه

هاي اسمها خيانه يا صبايا
خلص بدي اسحب اللقب من ايناس :)

صحه وهنا على قلبك و قلبها وقلب اللي اكلو
ومدام انت اكلتي فخلص انا عن نفسي كأني اكلت.....بكتفي بقطعه الكيك انا :)

Dreamy Villager يقول...

بتعرفي.. طول الوقت وأنا آكل كنت أفكر فيكِ وباللي راحت عليهم :) ما خنتكو أبدا..أساسا أنا عملت هيك علشانكو ؛)

الله يسلمك وألف صحة على قلبك :)

Whisper يقول...

لا جد نحكي
كتييييييير مبسوطه انكم التقيتو و جد نفسي كلنا الصبايا نلتقي ونتعرف على بعض اكتر :)
لازم نرتبها يا صبايا :)

Naryat يقول...

lol
entu be2aya jam3a?
mesh la2eshi y3ni bs 7abbeh adel wa7ad 3aleekom yna22i benatkom :-p looool

ya reeto 2alf sa77a o hana... Enas btestahal ellaqab o 2lf mabrook... o sa77a o hana lalli 2akal :-)

مياسي يقول...

بس اشوفها لايناس بس!!!

مـاشي يا ايناس!! لساتني بستنى بكعكات العيد انـا :)

صحتين يا دريمو سايبه بالجامعه وما بتحكي طيب قولو لمحوا خبروا!!! انا طول امبارح واليوم في رحاب التكنو الكئيبه:)

Rana Al Sha'bani يقول...

صحتين.. ومبارك الفوز لإيناس وإحنا كلنا ربحنا معرفة بعضنا=)
بس شكله معمول مو كوكيز؟!

Ibrahim يقول...

ألف مبروك لإيناس...
وصحتين وعافية على الحلوان...
وإحنا بكفينا ال Virtual حلوان إلي قدمتلنا إياه بجوردانيا ;)

Dreamy Villager يقول...

Whisper...
والله وأنا حابة لو نعمل جَمعة ونتعرف على بعض..بس وين بعمان ولا عنا بإربد؟ وكمتن المكان اللي بدنا نلتقي فيه لازم يكون معروف لأنه أنا مثلا بعرفش اشي بعمان..فلازم يكون معي دليل..خلينا آه نزبطها إن شاء الله.


Naryat...
الف صحة على قلبك :)
قبل ما تناديه للشب أعطينا خبر خلينا ننادي بنات خالاتنا بالمرة..وبنات عمامنا كمان ؛)
إيناس بتدرس بالعلوم والتكنولوجيا...أما أنا تخرجت منها.. وكنت بالمستشفى فقررت أمر على إيناس أتحلى.


مياسي...
بعدك ما أكلتِ من كعكات العيد..وكمان ما أكلتِ الحلوان :/ ..فعلا إيناس مقصرة معك...أنا ما الي دخل..أساسا أنا بفكر انه الماجستير ما بداوموا بالصيف..بس هي كان لازم تخبرك..عاساس بتعرفوا بعض من زمان ؛)
ألف صحة على قلبك :)


Rana...
ألف صحة على قلبك يا رب :)
فعلا والله كانت مسابقة رابحة للكل ...والكل استمتع واتعرف على ناس جداد.
هو الكوكيز طالع شكله بيشبه المعمول يعني مش منبسط..هيك شوي محدب :)


Ibraheem...
الف صحة وهنا على قلبك :)
انتو بكفيكو الVirtual ؟! تحاولش تواسي حالك .. ولا اللي مش صاحله هيك بحاول يقنع الكل ؛)

eNAS يقول...

يا سلاااام ياااي
بسكويتاتي طالعين هون وكل العالم شافتهم.. بس لو تشوفوني وانا بزبط فيهم منشان دريمي تصورهم
;)
شكرا دريمي دريمو ... :)
يا الله شو انبسطت فيكي يوم الاحد فعلا

سامحوني يا جماعة .. يعني شو اعمل هيك شاء القدر , انو دريمي تاكل من حلوان جوردانيا
:) ولا كيف دريمي
هادا يا سادة يا كرام,انا كنت جاية لعند محاضرتي , ومتأكدة 100% انو في بنوته امورة عم تستناني ...من لنا وصلت اول الكريدور وانا شايفتها , وهي عم تطلع شمال ويمين شمال ويمين ..منشان هيك إتأكدت انها دريمي

قربت لعندها ويمكن مسكينة نقزتها :)
ناديتها باسمها وانا قدامها وطلعت فعلا هي ;)

والباقي لما كنا سوا حكتلكم ياه
بس ما حكتلكم انو شفتها يا دوب 10 دقايق .. بعدين الدكتورة اجت :)

دريمي انا كتير مبسوطة وبتشرف بمعرفتك , واكيييد ان شاء الله نفسي اتعرف على باقي الصبايا

لاني مياسي من سنة و3شهور بعرفها :), واحلى من هيك ما في

ميسووو -->> ما تزعلي مني الله يخليكي يا ميسو ... بعدين حرام عليكي . والمقروطة اللي جبتها معي بشهر نيسان
P:
:(
والله دريمي معها حق انا مقصرة, بس اساسا ما كان عندي فراغ يومها ,حتى دريمو جبتها من المستشفى واستنتي وما شفتها غير 7 دقايق :(
ما كنت بعرف انك بالجامعة .. بعدين , شفتي الباكيت الصغير .. ما طعميت منه حدا, لساتو عندي , اللي بلحق بشوفو بالاول بعطيه كل الباكيت
D:
يلا معناها اسرعي اسرعي يا عزيزتي

ويسبر -->>سامعة ويسبرتنا :)
ان شاء الله بشوفكم شي يوم..يمكن يكون يوم خطبتك يا عسل
;).... تسلميلي يا رب
انا كتير مبسوطة بهالفرحة..فعلا ما بتتخيلو قديش
:)
الله يهنيكم ويفرحك يا رب .. بس الكوكيز مش بزيادة طلعو يومها .. متل ما حكت دريمي على ال1 بلشت اعمل فيهم

نيرات -->> D:
دريمي جاوبتك بس انا ما الي بنات خالات وعندي بنتين عم صغار , وانا بعدني صغيرة كمان
;)

رنا -->> أهلا رنا ..يبارك بعمرك ربي امبلى هادا اسمه كوكيز. بس كوكيز محير :)

ابراهيم-->> شكرا الك ... هاي دريمي جاكرتك .. خلص بلاش انا كمان ازيدها
P:

اسفة يا جماعة لاني ما ببين ولا بكتب شي .. ارجوكم اعذروني هالاسبوع كتير زخم :(

شكرا دريمي على البوست . فرحتيني فيه والله :Roseh:

مياسي يقول...

صباحو يا ايناس

مقروطة نيسان مش ناسيتها انا:) يومها انسطحت من المقروطه بتتزكري؟

بس يا عمي كعكات عيد هااااااادول:)

يلا صحتين وخيرها بغيرها الموضوع مش موضوع كعك انا بس كنت حابه اشوفكم مش اكتر-منيح اللي ما شفتكم على فكره لاني كنت مسطله نعس ومش شايفه قدامي وشكلي مش حضاري ابدا- وانتي مش ناويه تجيبي تلفون بدل ما اتخليني اتنطط بين الطبيه والرئاسه ادور على جلالة الفايزه إيناس؟!!

eNAS يقول...

هلا صارت المسا الدنيا .. بس يا مية صباح الورد
ميسو لا تحكيلي انك اليوم كنتي بالجامعة وبتدوري عللي :(
والله بزعل عنجد هيك كتير
وبزودها عليكي كمانه

ميسو اكيد شي يوم رح اعرفك على دريمي :)

وجد صار نفسي اتعرف على باقي الصبايا
بس انا مع دريمي ما بعرف شي برا الجامعة
D:

اسفة دريمي عملتلك البوستر لوحة حكي واعلانات
:)

مياسي يقول...

لا اليوم بالدار منضبه

عندي اجتماعيات اليوم مش فاضيه:)

دريمي: قلبناها تشات معلش سامحينـا!!

Dreamy Villager يقول...

شو بشوف الBlog صاير مشاع... غبت شوي لقيت الدنيا مخبوصة ؛)
ععلى حسابكو البلوغات كلها ولو..احنا أكم "ميسو" و"نوسا" عنا :)
إن شاء الله بييجي يوم منتعرف كلنا على بعض وبتعمللنا إيناس كيك وحلو للجميع :)

Rana Al Sha'bani يقول...

روعة إنكم تعرفتوا على بعض، عقبالنا=)

sozan يقول...

باتفق مع ويسبر خيانه مع الاصرار لا لا لا اقبل وانا كمان بدي وا وا وا خلص انا مخاصمكم


صحه وعافيه وعقبال حلوان التخرج بس الصورة تكون اكبر حتى نتشهون اكتر :)ومبروك التعارف وان شاء الله نتعرف عليكم احنا كمان

eNAS يقول...

سلام يا جماعة كيفكم شو اخباراتكم
:)
انا مش عارفة ليش بطلت احب ادخل على جوردانيا
بس بلف لف عليكم واسمع اخباركم

سوزان -->> انتي بس تعي على الاردن
ان شاء الله لازم نعمل لمة , وانا متأكدة رح تكون ولا احلى :)
جد نفسي اشوفكم .. كمانه اشوف لولو وعبود :)

اليوم يا سادة شفت مياسي بالجامعة وقعدنا سوا

خلص هي بتحكيلكو الباقي
;)

Dreamy Villager يقول...

Rana Al Sha'bani...
إن شاء الله كلنا منجتمع ومنتعرف على بعض...لأنه فعلا اشي رائع انه الواحد يقابل ناس زيكم :)


sozan...
الف صحة على قلبك :) وزي ما حكت إيناس انت بس تيجي عالأردن منعملك أحلى جَمعة إن شاء الله ... كله ولا زعلك ؛)


eNAS...
سوالفك انت ومياسي كثرانة ؛)
ليش ما ناديتوني...كنتو تحكوا علي صح :)

jumana يقول...

mr7aba :)
salamet snanek :), w sa7teeen

y3ni Enas serty w fozti lazm tb3telna shwae 3la USA, la kelna hon :P lakan shuuuuu!!

Dreamy Villager يقول...

jumana...
مية أهلا وسهلا...والله يسلمك يا رب وألف صحة على قلبك :)
شكله إيناس ندمت انها طعمتني قد ما ناس عتبوا عليها ؛) بس خليها هي كل يوم بتفوز وبتحلي :)