الخميس، 24 فبراير 2011

سلام

سلام يا حلوين :-)

أنا بخير وكلشي تمام بس حبيت أشوف قديش بتفتقدوني ؛-)

والله كان في أشياء زنخة خلتني مشغوله ، انشغلت بالأول بدوام جديد وكنت مش عارفة أتأقلم معه ( وبعدني ) وبعدين بطلت ألحق أقرأ تدويناتكم، ولما كنت أقرأها تكون متأخرة وما أقدر أعلق عليها وشوي شوي بعدت عن البلوغ، وصرت أستحي أمر عليكو بس عشان أحكي "مرحبا" بدون ما أقدر اقرأ شو أنتو كاتبين

الدوام هو أكثر اشي شغلني وبصراحة مش حابة أكتب عنه حاليا لأني كثير بكرهه، وأكثر من مرة كنت جاية على المدونة بس علشان أقعد أشكي وأحكي على الناس اللي فيه وبعدين بهدي حالي وبروح الموضوع :-/

وبعدين مش جاي عبالي أصير أحكي أشياء شريرة وأنا معصبة، ولما أرجع أقرأها أستهبل حالي

كمان، ما كان عندي اشي أقوله، كلها أشياء كئيبة أو مش مسلية ، وكنت أمرض كثير،يمكن من طبيعة الشغل ويمكن حالة نفسية بس كانت مناعتي أغلب الأوقات بالمرة

من فترة حسيت انه فيه أشياء بتتحسن بالدوام وشوي صرت أقدر أفكر بأشياء ثانية وأحاول تكون ايجابية وطبعا اني أرجع أكتب هون من اولها

الحمدلله على كل اشي، هو فيه أشياء كثير بدي أحكيها بس انا قاعدة بالدوام وقدرت أكون لحالي شوي وحبيت أكتب عشان أشجع حالي ،بس بعدين بكتب بترتيب وبدون ما يكون فيه ناس بمشوا بالممر يتفرجوا شو قاعدة بعمل

سلام :)

هناك 6 تعليقات:

Whisper يقول...

الف الحمد لله على سلامتك يا قمر
اشتقنالك وافتقدنالك كتير كتير كتيييير
الحمد لله انك بخير, للأسف المعظم الشغل عامله حاله نفسيه....بتمشي ان شاء الله

المهم لا تطولي علينا مره تانيه :)

Unknown يقول...

الحمدلله عالسلامه :))
مش مصدقه انك رجعتي :))

sozan يقول...

اهلا وسهلا فيكي مره ثانيه اشتقنا الك يا قمر :)
يا عمي شو شغلة الشغل اللي ما بيريح الكل هاي والله لازمنا ثورة شغل احنا مشان نريحك ونريح ويسبر :)

Dreamy Villager يقول...

Whisper...
الله ‏
يسلمك ‏
:‏) وأنا ‏
والله ‏
اشتقتلكو ‏
كثير ‏
وغن ‏
شاء ‏
الله ‏
ما ‏
بعيدها ‏
هالعملة ‏
؛‏)‏
وعلى ‏
قولتك ‏
بتمشي..إن ‏
شاء ‏
الله.


مياسي...
الله ‏
يسلمك ‏
:‏)
شو ‏
شكلك شكلك ‏
حاسبيتني ‏
بعداد ‏
المفقودين ؛‏)‏


Sozan...
وفيك ‏
أكثر..‏ و
أنا ‏
اشتقتلكو ‏
كثير ‏
:‏)
ومادامك حكيت ‏..هي بكرة الجمعة منطلع ‏
ضدالدوام ‏
؛‏)‏

Rana Al Sha'bani يقول...

Welcome back:) stay in touch even with a simple hello:) and good luck in your job:)

Dreamy Villager يقول...

Rana Al Sha'bani...
الله يسلمك ‏
ويخليك ‏
:‏) ‏
وان ‏
شاء ‏
الله ‏
ما ‏
برجع ‏
بنقطع ‏
عنكم ‏
ابدا.