الاثنين، 21 آذار، 2011

21 مارس

بتاريخ 21 مارس فيه مناسبتين...
- يوم الأم (بديش أحكي عيد..لأنه مش عيد واحنا ما منعطلش فيه..العيد عندي معناته عطلة)
- وذكرى معركة الكرامة

المناسبة الأولى:
زهقت قديش الناس سألوني شو رح تجيبي لأمك؟! بحس بدهم أفكار وبدهم يعرفوا قديش ناوية أصرف على هدية !! احنا كنا ناويين نجيب مايكروويف لأنه اللي عنا خربان من زمان ..فقررنا (قررت أنا لحالي) انه نجيب واحد ونخليه هدية لأمنا مع انه هو للبيت أصلا..الكل قرر يشارك بالهدية ..ومع ذلك ما اشتريناش اشي :) صارت لآخر الأسبوع لأنه ولا حدا فاضي.
بعدين أنا جد مش عاجبني انه الناس بعايدوا على الأمهات فيه.. مش بس من منطلق ديني..من منطلق انه على ايش بتعايدوا ..على انها أم..واليوم تحديدا..يعني امبارح بالليل ليش ما حدا حكى لأم "كل عام وأنت بخير"..بتزبطش ولا معناها غير بكون؟! حسيت الوضع مبالغ فيه.
غير هيك..فيه وحدة بعرفها أمها توفت مش من زمان...على الفيس بوك كثير بتعبر عن مدى اشتياقها لأمها..وامبارح بالذات حزنتني كثير..حسيتها متضايقة مع هاليوم وهالستاتوس اللي الكل بحطها للأم :(

أنا بحياتي ما عملت عمل تطوعي..نفسي أعمل بس ما عنديش دافع قوي يحركني..وأنا مروحة من الدوام بمر من الSOS وبكون أفكر لو مرة نروح مجموعة ونزورهم نقدملهم اشي أو بس نتطمن عليهم..فالأسبوع الماضي كنت أفكر فيهم انهم بلا أم وأب وفيه هاي المناسبة اللي جاية..وطبعا ما عملتش اشي..ورجعت شفت الأخبار وجايبين عنهم تقرير عشان نفس المناسبة..فخطر ببالي:
انه لازم هذا اليوم يخصصوه للعمل التطوعي..لازم الكل يعمل اشي لغيره..لأطفال أيتام..لكبار سن أمهات وأبهات كمان..للناس المحتاجين..ولازم يجبرونا على العمل التطوعي..أنا متأكدة انه فيه ناس زيي بستنوا المبادرة من حد ثاني..فلازم شوية اجبار..مش كثير علشان ببطل اسمه تطوع.
بعدين قلت انه بنفعش عمل تطوعي يوم بالسنة..لازم أيام كثير..يكون اشي على كل واحد انه يعمل حد أدنى على الأقل ببرنامج محدد
يعني زي ما الناس بحبوا عمل الخير برمضان وسلات رمضان وهيك (أنا بحياتي ما عملت مساعدة حسيتها كبيرة برمضان) لازم يكون فيه اشي يشجعهم بغير رمضان


المناسبة الثانية
الصراحة انه بعرفش عنها بالتاريخ اشي..بس جابوا اشي بالأخبار عنها.. وفي حرب استنزاف وحزيران وما فهمتش (انا مقصرة بالتاريخ المعاصر كتير) ..بس اللي ضحكني انه عاملين احتفالية بهاي المناسبة بمشاركة:
- الكشافة (بحياتي ما عرفت الفائدة الحقيقية من الكشافة عنا..شاركت مرة بالكشافة..وكل اللي كسبته انه راحت علي الحصص عشان يدربونا ويشحططونا بمناسبات سخيفة)
-بعدين وزير التربية حكى كلمة ما فهمتش منها اشي..ولا عرفت شو بده
-وحدة كأنها من جمعية نسائية صارت تبارك للأمهات عامة وأمهات الشهداء بمناسبة عيد الأم
-واحد من جمعية عشان "مكافحة المخدرات" .. !!؟؟!!؟؟
فمن الآخر بدي أسأل : الحق عمين اني ما بعرف عن معركة الكرامة اشي ..علي ولا على الاعلام ؟!

هناك 12 تعليقًا:

sozan يقول...

مع احترامي الشديد الك وهاد رأيي انا ولا تزعلي يعني الحق عليكي انت !! يعني اللهم صلي ع النبي خلصت جامعه وتشتغلي يعني صار لازم تثقفي حالك عزيزتي!!
يوم الام انا باعتبر يوم انساني خاصه اللي متلي امهاتهم بعيده ما منشوفهم فانا بحس فيها اليوم اكثر من لما كنت مع امي :)هو يوم للتصريح بمشاعرك اتجاه امك يعني كم مره تحكي لامك انك بتحبيها في اليوم او الاسبوع او الشهر !!

Dreamy Villager يقول...

سوزان...
مش متأكدة اذا فهمتك صح..بس كأنه بتحكيلي عن معلوماتي التاريخية :)
هو أنا عارفة علي حق..وفيه منه جزء مصخرة باللي حكيته..بس عن جد التاريخ العربي وخصوصي الحديث لو حاولت تدوري عليه كثير فيه لخبطة وأشياء فايتة ببعض فمين تصدقي ما بتعرفي !
عالعموم كل عام وأنت بخير :) ..(هلأ بقدر أحكيها بما أنه خلص يوم الأم وما في حرمة قولها)

همسة يقول...

مشان عيد الام .. يعني فيها وجهة نظر الناس مبالغة بالموضوع شوي .. يعني كانت امي مبارح ليش اليوم بس تذكرت !
واحلى اشي انو 99% انو هدية عيد الام بتكون للبيت غسالة خلاط مكنسة كهربا و مايكرويف ( هدية عائلية )

انا كمان ولا عمري عملت عمل تطوعي وبتوقع انو لو شفت مبادرة من حدا قريب مني رح اكون موجودة .. مش اجبار :(
انما مبادرة من طرف ثاني و تلقائي احنا رح نلحق

جيتك لمعركة الكرامة ... بعرف انو اليهود وصلوا لغور الاردن و الجيش الاردني تصدى الهم ونجح انو يخليهم ينسحبوا .. يعني و انتصرنا الحمدلله
غير هيك بالنسبة الي يعتبر في علم الغيب .. انا مشكلتي صعب أقرأ تاريخ دمو ثقيل على قلبي D: لو صاحلي حدا يلخصلي الموضوع بكم جملة مفيدة بكون اشي روعة
* شو هاي حرب استنزاف حزيران !!

Rain يقول...

1-انا متلك ما بفهم قصة عيد الام بس ما بحب ماما تحس انها غير كل هالامهات
و اعتبريها صدقة انك تقولي كلمة حلوة لكل أم بتعرفيها لأنهم جد بيتعبوا و حلو ييجي يوم يذكرنا انهم مش مسلّمات و لازم نقدرهم قد ما نقدر
2-أنا متلك نفسي أعمل اشي تطوع بس دائما بكسّل..بس هلأ عندي وقت فراغ كبير و جد نفسي أعمل فيه اشي منيح!
3-أنا مش من الناس اللي بيحبوا يتغنّوا بالماضي مع انه الحاضر مش مشرف كتير بس عشان نعرف الحاضر و المستقبل لازم نعرف الماضي..هاد ايمان عندي لأنه التاريخ ببساطة ما عنده ابداع كتير و كل أكمن عقد بيتكرر
فلذلك خدي 5 دقائق و اقرأي:
http://ar.wikipedia.org/wiki/%D9%85%D8%B9%D8%B1%D9%83%D8%A9_%D8%A7%D9%84%D9%83%D8%B1%D8%A7%D9%85%D8%A9

Dreamy Villager يقول...

همسة وRain ..آسفة تأخرت بالرد بس كنت شوي مشغولة


همسة...
الهدايا اللي حكيت عنهم بكون عليهم تخفيض فالكل بشتروهم :)
شكله كثير ناس بستنوا حد يشجعهم على التطوع..بس من ناحيتي أنا عارة المشكلة لأنا ما عندي روح مبادرة بأي اشي بس مش عارفة أتخلص من هالعادة..بالنسبة لمعركة الكرامة ،اللينك اللي حطته rain مش رح يعجبك أظن لأنه مش مختصر بالمرة :)
حرب استنزاف وحزيران كـنهم حربين مختلفات بس ما قدرت ألحق على اللي كان يحكي وكنت مقررة أقرأ باستفاضة عنهم بس أجلت الموضوع


Rain...
أول اشي شكرا كثير على اللينك...بس بده أكثر من 5 دقايق..أنا بلشت أقرأ فيه بس ما كملت..بس ان شاء الله بقعدله قعدة مرتبة :)
عشان عيد الأم..احنا كنا مقررين نجيب هدية بس ما تكون بنفس التاريخ..بس يعني فكرة الهدية قائمة علشان زي ما حكيت ما تحس أمنا انها غير
أما عن التطوع فكنت بدي أحكيلك انه يمكن انت مشغولة بالدراسة حاليا..بس انت معلقة أصلا انه عندك وقت فراغ فانفقست :) بس أظن انه قبل ما تتخرجي ما رح تقدري تلتزمي باشي التزام تام..يمكن تقدري ايام العطلة..وبعرفش ليش بس عندي احساس انه انت من الناس اللي ما عندهم مشكلة المبادرة..يعني يمكن فجأة تطلع براسك وتعمليها :) الله أعلم

وجع البنفسج يقول...

اختي العزيزة ..

مريت من هنا .. مش عارفة كيف وصلت بس بالاخير وصلت ..

سعيدة بتواجدي هنا .. وكل يوم أم وانت بخير .. وكل ذكرى كرامة وانت بخير .. يجب علينا قراءة التاريخ جيداً لنعرف ما لنا وماعلينا .. ولا مانع أيضا من المشاركة في العمل التطوعي .. راح تشعري بلذة مش طبيعية عندما تقدمي شيء بدون مقابل ..

دمت بخير وتقبلي خالص تحيتي.

Dreamy Villager يقول...

وجع البنفسج...
تسلمي أختي وانت بألف خير إن شاء الله.
من حكيك مبين انك الك على العمل التطوعي..الله
يقويك وإن ‏
شاء ‏
الله ‏
أعمل ‏
زيك ‏
:‏)‏
آسفة على الرد المتأخر..وأسعدني مرورك وتعليقك :‏)‏

eNAS يقول...

مرحبا دريمي :)
كيفك وكيف الحياة معك

غير معرف يقول...


عصابة النووى

نشرت جريـدة المصرى اليوم فى 17 يوليو 2013 قال أحمد إمام، وزير الكهرباء والطاقة فى تصريحات صحفية، بعد إبلاغه بالاستمرار فى منصبه ضمن حكومة الببلاوى، إن البرنامج النووى لتوليد الكهرباء، سيكون أحد أهم محاور قطاع الكهرباء فى الفترة المقبلة.وأضاف:"لدينا برنامج جيد يستهدف إقامة 4 محطات نووية لإنتاج الطاقة،..

الخبر واضح منه أن عصابة النووى مش ناويين يجبوها البر و كل ما يجئ رئيس يروحوا له لأقناعه بشراء مفاعلات نووية . لماذا نشترى مفاعل نووى تزيد تكلفته على 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط؟!!!

بالرغم من كوارث المفاعلات النووية و أشهرها تشرنوبيل "أوكرانيا"عام 1986 و فوكوشيما "اليابان" عام 2011 مازال هناك فى مصر من المسئولين من يصر على أستغفال و أستحمار الشعب المصرى ، و يسعى جاهدا لأنشاء مفاعلات نووية لتوليد الكهرباء!!!!

و أصبح واضحا كالشمس أن هناك عصابة منذ عهد حسنى مبارك مرورا بعهد محمد مرسى و حتى الأن تسعى جاهدة منذ سنوات لشراء مفاعلات نووية لمصر و لا يهم و لكنها صفقة العمر لأفراد العصابة من حيث عمولات بمثات الملايين من الدولارات يستطيعوا بها أن يعيشوا هم و عائلاتهم كالملوك فى أى بلد يختاروه فى العالم أما عواقب المفاعلات النووية التى سيكتوى بنارها المصريين فهذا أخر شئ يهم فاقدى الشرف والذمة و الضمير ...

و نحن فى مصرنا نكتب منذ عام 2007 محذرين من مخاطر النووى و منبهين إلى البديل الأكثر أمانا و الأرخص

ثقافة الهزيمة .. النووى كمان و كمان
ثقافة الهزيمة .. العتبة الخضراء
ثقافة الهزيمة .. أرجوك لا تعطنى هذا السرطان

مزيـــد من التفاصيل و قراءة المقالات بالرابط التالى

www.ouregypt.us

Uouo Uo يقول...


thank you

سعودي اوتو

Uouo Uo يقول...



thx

كشف تسربات المياة
غسيل خزانات
شركة نظافة عامة

Uouo Uo يقول...


thank you

سعودي اوتو